UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116539 E-mail: press@ikulu.go.tz Website:  www.mawasilianoikulu.go.tz   Fax: 255-22-2113425

PRESIDENT’S OFFICE,       THE STATE HOUSE,        P.O. BOX 9120,   DAR ES SALAAM. Tanzania.

TAARIFA KWA VYOMBO VYA HABARI

Rais wa Jamhuri ya Muungano wa Tanzania, Mheshimiwa Jakaya Mrisho Kikwete leo, Ijumaa, Desemba 30, 2011, amefanya uteuzi wa Makatibu Wakuu na Naibu Katibu Mkuu na pia amefanya uhamisho wa Katibu Mkuu na Naibu Katibu Mkuu kuanzia jana, Alhamisi, Desemba 29, 2011.

Taarifa iliyotolewa na Katibu Mkuu Kiongozi, Bwana Phillemon Luhanjo, inasema kuwa Bwana Fanuel E. Mbonde, Katibu Mkuu, Ofisi ya Rais, Ikulu, anahamishiwa Wizara ya Katiba na Sheria, na Bwana Alphayo Kidata, Naibu Katibu Mkuu, Ofisi ya Rais, Ikulu, anahamishiwa Ofisi ya Waziri Mkuu, Tawala za Mikoa na Serikali za Mitaa (TAMISEMI).

Aidha, taarifa hiyo inasema kuwa Bwana Eliakim C. Maswi, ameteuliwa kuwa Katibu Mkuu, Wizara ya Nishati na Madini. Kabla ya uteuzi wake, Bwana Maswi alikuwa Naibu Katibu Mkuu, Ofisi ya Waziri Mkuu, Tawala za Mikoa na Serikali za Mitaa. Kwa sasa anakaimu nafasi ya Katibu Mkuu, Nishati na Madini.

Mheshimiwa Rais Kikwete pia amemteua Bwana Peter Ilomo, Mratibu Mkuu wa Sera na Mipango, Ofisi ya Rais, Ikulu, kuwa Katibu Mkuu, Ofisi ya Rais, Ikulu.

Naye Bibi Susan Paul Mlawi ameteuliwa kuwa Naibu Katibu Mkuu, Ofisi ya Rais, Ikulu. Kabla ya uteuzi huu, Bibi Mlawi alikuwa Msaidizi wa Katibu wa Baraza la Mawaziri (Cabinet Under Secretary) Kamati ya Katiba na Bunge ya Baraza la Mawaziri.

Taarifa ya Bwana Luhanjo inamalizia kwa kusema kuwa mabwana Maswi na Ilomo pamoja na Bibi Mlawi wataapishwa Jumatatu, Januari 2, 2012, saa nne asubuhi, Ikulu, Dar es Salaam.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

30 Desemba, 2011

UTEUZI WA SEFUE

UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116539 E-mail: press@ikulu.go.tz Website:  www.mawasilianoikulu.go.tz   Fax: 255-22-2113425

PRESIDENT’S OFFICE,       THE STATE HOUSE,        P.O. BOX 9120,   DAR ES SALAAM. Tanzania.

TAARIFA KWA VYOMBO VYA HABARI

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amemteua Balozi Ombeni Yohana Sefue kuwa Katibu Mkuu Kiongozi.

Balozi Sefue anachukua nafasi inayoachwa wazi na Bwana Phillemon Luhanjo ambaye anahitimisha mkataba wake wa utumishi wa umma kesho, Jumamosi, Desemba 31, 2011.

Kabla ya uteuzi wake, Balozi Sefue alikuwa Balozi wa Kudumu wa Tanzania katika Umoja wa Mataifa, New York, Marekani.  Kabla ya hapo, Balozi Sefue alikuwa Balozi wa Tanzania nchini Marekani na kabla ya hapo alikuwa Balozi wa Tanzania nchini Canada tokea Oktoba 2005.

Balozi Sefue ataapishwa leo, Jumamosi, Desemba 31, 2011 saa nne asubuhi, Ikulu, Dar es Salaam.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

30 Desemba, 2011

Vodacom yatoa pole vifo vya wanahabari Marehemu Halima Mchuka na John Ngahyoma.

Dar es salaam Disemba 30, 2011. Kampuni ya simu ya mawasiliano ya Vodacom imepokea kwa mshtuko na huzuni kubwa taarifa za vifo vya wanahabari nguli nchini Bi. Halima Mchuka na Bw. John Ngahyoma.

Kwa mujibu wa taarifa zilizopatikana, wanahabari hao wamefariki kwa siku tofauti akianza Halima juzi na baadae Ngahyoma aliyefariki asubuhi ya leo wote jijini Dar es salaam.

“Tunatoa mkono wa pole kwa familia za marehemu, waajiri wao na kipekee familia ya wanahabari nchini kwa kuondokewa na wapendwa wetu ambao walikuwa sehemu muhimu ya ujenzi wa tasnia ya habari na utangazaji nchini.”Alisema Ofisa Mkuu wa Masoko na Mahusiano wa Vodacom Tanzania Bi. Mwamvita Makamba

Marehemu Bi. Halima Mchuka alikuwa mtangazaji wa Shirika la Utangazaji Tanzania – TBC na Marehemu Bw. John Ngahyoma hadi umauti unamkuta alikuwa ni mwanahabari wa Shirika la Utangazaji la Uingereza – BBC Ofisi ya Tanzania.

Marehemu wote wawili watakumbukwa kwa jinsi ambavyo walikuwa mahiri katika tasnia ya habari na utangazaji kwamba mchango wao utaendelea kuwa chachu hasa kwa vizazi vijavyo vya wanahabari chipukizi nchini.

“Tutamkumbuka sana Marehemu Halima ambae rekodi zinaonyesha kuwa ni mtangazaji wa kwanza mwanamke kutangaza mpira. Marehemu Ngahyoma kwa upande wake ni sehemu ya watangazaji wa awali kabisa wa televisheni Tanzania Bara mwanzoni mwa miaka ya tisini”Alisema Mwamvita.

Mwamvita amesema kampuni ya Vodacom daima ina thamini na kuheshimu mchango wa wanahabari katika maendeleo ya taifa na ushamirishaji ustawi wa jamii

Mungu azilaze roho za Marehemu Bi Halima Mchuka na Bw. John Ngahyoma mahali pema peponi - Amen

HAFLA YA CHAKULA CHA USIKU YA NDOA YA CASTOR NA FLAVIANA

Castor na Flaviana wakiwa kanisani kwenye hatua za kufunga ndoa yao takatifu iliyofanyika alasiri ya Alhamis iliyopita ya tarehe 29.12.2011

Castor na Flaviana wakiwa kwenye hafla ya chakula cha usiku kwa ajili ya ndoa yao iliyofanyika kwenye ukumbi wa Mbezi garden usiku wa Alhamisi tarehe 29.12.2011.

Wapambe wa Castor na Flaviana wakiigia ndani ya ukumbi wa mbezi garden jijini dar es salaam.

Bw.Fungamara akitoa neno la makaribisho kwa niaba ya familiya ya bwana harusi.

Bwana harusi Castor Mushi akifatilia kwa furaha kubwa namna Mc Kim anavyotawala ukumbi.

Mzee Maro(baba wa bibi harusi) akifuatia kwa furaha matukio mbalimbali yaliyokuwa yakiendelea ndani ya ukumbi wa Mbezi garden.

Familiya ya bwana harusi(familiya ya Mushi )ikiwa kwenye picha ya pamoja na maharusi na wapambe wao.

Familiya ya bibi harusi (familiya ya Maro) ikiwa kwenye picha ya pamoja na maharusi.

Maharusi wakifungua champaigne sambamba na Kikarie( kushoto).

Maharusi (Castor na Flaviana) wakinyweshana champaigne.

.Mc Kim akihost shughuli.

Maharusi wakikata ndafu.

Maharusi na wapambe wao wakiwa kwenye meza ya chakula maalumu kwa ajili yao.

Wageni waalikwa,ndugu jamaa na marafiki wakipata chakula.

Mzee Maro (baba wa bibi harusi) sambamba na mama akionesha kamba kuashiria kutoa zawadi ya ng'ombe kwa maharusi.

 

Maharusi sambamba na wageni waalikwa wakilisakata rhumba. 

Mkurugenzi wa kampuni kimkev entertainment anawatakia maisha mema yenye baraka tele. 

MSANII MOS P. AKONGA NYOYO ZA MASHABIKI WAKE KIJIWENI KWA MUSSA SHOE SHINE

Hapa mashabiki wake wakimuangalia wakati alipokuwa akitoa burudani ya muziki wake kama anavyoonekana katika picha hii.

Jana katika pitapita yangu nilikutana na kijana Amos Pauson aka (Mos P.) kutoka kijiji cha Ifumbo Wilayani Chunya mkoani Mbeya ambaye ni msanii wa muziki wa asili, msanii huyu alikuwa akitoa burudani yake katika kijiwe kimoja maarufu mtaa wa Samora karibu na Idara ya Habari Maelezo au kama kinavyojulikana kwa (Mussa Shoe Shine), kijiwe hiki hutembelewa na wajanja wengi wa mjini na watu maarufu kwani Mussa ni mg'arisha viatu wa siku nyingi hapo, hivyo anafahamika sana na watu mbalimbali wakiwemo watu maarufu. Jana kijana huyu alikuwa akitoa burudani katika kijiwe hicho kilichokuwa kimesheheni watu wengi akiwemo mpiga picha wa siku nyingi Shabaan Madanga aliyewahi kuwa mpiga picha katika magazeti ya serikali. Jambo kubwa nililoliona hapo ilikuwa ni furaha ya watu waliokuwepo katika kijiwe hicho kutokana na burudani ya muziki iliyokuwa ikitolewa na kijana Mos P. wakati akipiga gitaa lake la lililotengenezwa kwa mti, kopo na ngozi ya ngombe, huku likiwa limefungwa nyuzi tatu tu zinazotoa ladha murua ya muziki wake mara apigapo na kuimba. Kijana Mos P. anasema anayo albam inayoitwa Tamaa yangu yenye nyimbo kadhaa ambazo nini Tamaa yangu yenyewe, Sali Kumwanya ikiwa na maanna twende mbinguni ,Roda,Vumilia,Wonti Upena yaani wote umasikini, Ukimwi nooma, Nasukwa Khuhaya yaani nimekumbuka nyumbani na anaongeza kwamba bado anazo nyimbo nyingi sana ambazo hajarekodi. Mos P ameongeza kwamba albam hii amerekodi katika studio za Mambo jambo kwa Benjamin huko Mbezi, lakini pia amesema kwa sasa anafanya kazi ya kupiga muziki jijini Dar es salaam kwa kupata kiasi kidogo cha fedha zinazotolewa na mashabiki wake mara apigapo muziki wake maeneo mbalimbali akikusanya fedha kwa ajili ya kurekodi video ya nyimbo hizo.

 

chanzo fullshangwe 

HALIMA MCHUKA HATUNAE TENA DUNIANI

Mtangazaji wa Shirika la Utangazaji Tanzania, TBC – HALIMA MCHUKA amefariki dunia usiku wa kuamkia leo katika hospitali ya Taifa ya MUHIMBILI Jijini DSM alikokuwa amelazwa akipatiwa matibabu ya ugonjwa kiharusi.

Kwa mujibu wa Mkurugenzi Mkuu wa TBC CLEMENT MSHANA, HALIMA MCHUKA alikimbizwa katika hospitali ya DAR GROUP na baadae katika hospitali ya Taifa ya MUHIMBILI hapo jana baada ya kuanguka ghafla akiwa katika kituo chake cha kazi eneo la PUGU ROAD Jijini DSM.

MCHUKA alikuwa mtangazajii wa kwanza wa kike wa mpira AFRIKA MASHARIKI.

BWANA ALITOA NA BWANA AMETWAA JINA LA BWANA LIHIMIDIWE.

 AMINA

chanzo Jane john 

Kibanda ajiengua Kamati ya Kutafuta Vazi la Taifa

TAARIFA KWA VYOMBO VYA HABARI

UTANGULIZI

Itakumbukwa kwamba Desemba 15 mwaka huu, Waziri wa Habari, Vijana, Utamaduni na Michezo, Dk. Emmanuel Nchimbi aliniteua kuwa mjumbe katika Kamati ya Kitaifa ya Kukamilisha Mchakato wa Kupata Vazi la Taifa.

Siku chache baada ya uteuzi huo, nilipokea wito wa kuitwa na kuhojiwa na Jeshi la Polisi kutokana na makala ambayo ilichapishwa katika gazeti la Tanzania Daima la Jumatano, Novemba 30 mwaka 2011.

Kufuatia mahojiano hayo, Desemba 21 nilifikishwa katika Mahakama ya Hakimu Mkazi Kisutu, ambako polisi na wanasheria wa serikali walinifungulia mashtaka ya kuwachochea askari kutoitii Serikali ya Jamhuri ya Muungano wa Tanzania.

Nilipata dhamana katika kesi hiyo ambayo imeahirishwa hadi Januari 19, 2012 itakapotajwa tena.

MSIMAMO NA UAMUZI WANGU

Baada ya kutafakari kwa kina kuhusu uteuzi wa Waziri wa Habari, Vijana, Utamaduni na Michezo sambamba na uamuzi wa serikali kunihoji na kunifungulia mashitaka, busara yangu binafsi na kwa kuzingatia ushauri nilioupata kutoka kwa wahariri wenzangu, nimefikia uamuzi wa kujitoa katika Kamati ya Kutafuta Vazi la Taifa.

Nimelazimika kufikia uamuzi huo kwa sababu zifuatazo:
1. Mosi, uamuzi wa serikali kupitia Jeshi la Polisi na Waendesha Mashitaka kunifungulia kesi ya kuchochea uasi inanifanya niamini kwa dhati kwamba, haina imani nami binafsi na ina nia ya dhati ya kuhakikisha ninaadhibiwa na hivyo kukinzana na imani ambayo Waziri wa Habari, Vijana, Utamaduni na Michezo ameionyesha kwangu kupitia uteuzi wake.
2. Pili, nimelazimika kufikia uamuzi huo wa kujitoa katika kamati hiyo baada ya kujiridhisha pasipo shaka kwamba mchakato mzima uliohusisha sakata langu kama Mhariri Mtendaji kuhojiwa na kufunguliwa mashitaka na polisi na hatimaye kufikishwa kwangu mahakamani usingeweza kufikiwa pasipo kuishirikisha Wizara ya Habari, Vijana, Utamaduni na Michezo ambayo inaongozwa na Waziri Nchimbi.

3. Tatu, kwa kuyatambua hayo nimeona itakuwa ni uamuzi wenye hekima kujitoa katika kamati hiyo kwa kuzingatia uhalisia kwamba nitashindwa kutimiza wajibu wangu ipasavyo nikiwa mjumbe katika kamati hiyo, sababu kubwa ikiwa ni kuwapo kwa hali ya kutoaminiana na kutiliana shaka kati ya wizara na waziri Nchimbi kwa upande mmoja na mimi mteule katika kamati huyo kwa upande mwingine.

4. Mwisho, wakati nikichukua uamuzi huo mgumu, napenda kuchukua fursa hii kumshukuru sana Waziri Nchimbi kwa kuonyesha imani nami hata kuniteua kuwa miongoni mwa wajumbe wanane wanaounda Kamati ya Kitaifa ya Vazi la Taifa.

Imetolewa na Absalom Kibanda Mhariri Mtendaji Free Media Ltd Mwenyekiti Jukwaa la Wahariri.

Mutabuzi wa ITV ashinda tuzo ya AJAAT

 Mwenyekiti Mtendaji wa Tume ya Kudhibiti UKIMWI(TACAIDS) Dkt. Fatma Mrisho(kushoto ) akitoa cheti na cheki ya shilingi laki saba kwa mwandishi wa habari wa ITV na Redio One Renatus Mutabuzi juzi jijini Dar es salaam wakati wa tafrija fupi ya utoaji wa zawadi na vyeti kwa washindi wa shindano la waandishi wa habari kuhusu upatikanaji wa huduma muhimu za UKIMWI kwa makundi ya watu wenye fursa chache.Tuzo hizo iliandaliwa na Chama cha Waandishi wa habari za Ukimwi Tanzania(AJAAT)

Mwenyekiti Mtendaji wa Tume ya Kudhibiti UKIMWI(TACAIDS) Dkt. Fatma Mrisho(kushoto ) akiongea na waandishi wa habari jana jijini Dar es salaam wakati wa tafrija fupi ya utoaji wa zawadi na vyeti kwa washindi wa shindano la waandishi wa habari kuhusu upatikanaji wa huduma muhimu za UKIMWI kwa makundi ya watu wenye fursa chache. Katikati ni  Mwenyekiti wa Chama cha waandishi wa habari za UKIMWI nchini (AJAAT) bw .Simon.

BENDI TANO ZILIZONIKUNA MWAKA 2011

African Stars Twanga pepeta bado wako kileleni kwa kushika namba moja kutokana na nyimbo zao walizoziipua hivi karibuni za "Dunia daraja" utunzi wa Charles baba na"Penzi la shemeji" ya kwake Muumini Mwinjuma

Extra Bongo wazee wa kizigo wameshika namba mbili kutokana na Umahiri wao wawapo stejini lakini pia kwa nyimbo zao za "Mtenda akitendewa" na "Fisadi wa mapenzi"

Bendi changa kabisa hapa Bongo ya Mapacha watatu nayo imeshika namba tatu kutokana na Wimbo wao Shika ushikacho na Gari bovu utunzi wa mpiga kinanda wao Erasto Mashine

Salute kwao Akudo Impact kwa nuimbo zao "Umefulia" na "Umejificha wapi" ambazo zimewapa nafasi ya tatu katika chati hii

Fm Academia "wazee wa Ngwasuma" wameshika nafasi ya tano kwa nyimbo zao Heshima kwa mwanamke na Usiku wa giza

Jamani huu ni mtazamo wangu tuu inawezekana na wewe una Bendi zako ambazo unaona zimekukuna zaidi...kwa hiyo masela msijenge chukiiii!! hahahaha

 

Chanzo Afrokija 

YAYA TOURE NDIYE MWANASOKA BORA WA AFRIKA 2011

KIUNGO wa Ivory Coast Yaya Toure (28) ametawazwa kuwa mwanasoka bora wa Afrika kwa mwaka 2011 kupitia tuzo zilizotolewa na Shirikisho la Soka Barani Afrika (CAF) na kufanyika katika ukumbi wa Banquet uliopo ndani ya Ikulu ya Ghana.
Toure anayekipiga katika klabu ya Manchester City ya Uingereza alitwaa tuzo hiyo baada ya kupata kura nyingi na kuwapiku nyota wenzake aliotinga nao fainali, Mghana Andre Ayew na Seydou Keita wa Mali .

Mbali na tuzo hiyo pia kulitolewa tuzo mbalimbali kama ifuatavyo:

Mchezaji bora wa mwaka (anayekipiga Afrika):
-Oussama Darragi (Tunisia).

Mchezaji bora (Wanawake)
- Perpetua Nkwocha (Nigeria)

Mchezaji anayechipukia:
- Souleymane Coulibaly (Ivory Coast)

Mwamuzi bora:
-Noumandiez Doue (Ivory Coast)

Kocha Bora:
-Harouna Doula (Niger)

Timu bora ya Taifa (Wanawake):
-Cameroon

Klabu bora:
- Esperance ya Tunisia)

Nidhamu ya Mchezo:
-Libya

Tuzo ya Heshima:
-Mustapha Hadji( Morocco) na Austin ‘Jay-Jay’Okocha ( Nigeria)

source:

http://mamapipiro.blogspot.com/

MERRY CHRISTMAS 2011

ON BEHALF OF KIMKEV ENTERTAINMENT & MSTAHIKI FAMILY I WISH ALL VIEWERS MERRY CHRISTMAS FOR YEAR 2011

Kim H.J.Kimenya

Managing Director

24th ,December,2011.

NAPE ATOA MSAADA KWA WATHIRIKA WA MAFURIKO

Katibu wa Halmashauri Kuu ya Taifa, Itikadi na Uenezi Nape Nnauye akikabidhi
msaada wa vyakula kwa mkuu wa mkoa wa Dar es Salaam, Said Mecky Sadik , katika
ofisi ya mkuu huo jana. Vyakula hivyo vyenye thamani ya zaidi ya sh. milioni 4, vimetolewa na CCM kwa ajili ya kusaidia waliokumbwa na maafa ya kafuriko yaliyosababishwa na vyua katika maeneo mbalimbali ya mkoa huo.

Nape akimchumu mtoto Fatuma Fadhili aliyekuwa na mama yake Ofisi za mkuu wa
mkoa wa Dar es Salaam, jana.

Nape akizungumza na baadhi ya wananchi alipofika kwenye kambi maalum
ya Mchikichini walikohifadhiwa waathirika mwa mafuriko, wilayani Ilala.

MAISHA YA WAATHIRIKA WA MAFURIKO KATIKA KAMBI YA MCHIKICHINI DAR

Mmoja wa watoto walioathirika kwa mafuriko eneo la Jangwani, akiwa amebeba baadhi ya vyombo vilivyonusurika kusombwa na mafuriko, akitoka navyo kwenye nyumba yao kwenda kwenye Kambi ya muda iliyopo Shule ya Msingi ya Mchikichini, Ilala, Dar es Salaam

Akina mama waathirika wakifua nguo zilizookolewa baada ya mafuriko, eneo la Jangwani, Dar es Salaam

Magari ya huduma ya kwanza ya JWTZ yakiwa karibu na Kambi ya waathirika ya Mchikichini

Waathirika wakiwa wamebeba moja ya tendegu la kitanda lililookolewa

Mzee aliyeathirika kwa mafuriko akipita kwenye tundu la ukuta akiwa na ndoo yenye nguo kwenda kuanika kwenye viwanja vya Shule ya Msingi Mchikichini ambapo imewekwa kambi ya waathirika.

Mama Hamadi ambaye ni mmoja wa waathirika akielezea insi alivyopata athari katika mafuriko eneo la Jangwani.

Baadhi ya waathirika wa mafuriko, wakijiandikisha kwa Ofisa wa Ustawi wa Jamii juzi katika kambi ya waathirika iliyopo Shule ya Msingi Mchikichini, Dar es Salaam.

CLOUDS FM YAPATA TUZO YA SUPER BRANDS KWA MWAKA WA PILI MFULULIZO.

Makamu wa Rais Dk. Gharib Bilal akimkabidhi tuzo ya Superbrandy Bw. Joseph Kusaga mkurugenzi wa Clouds Fm , katikati ni Mkurugenzi wa Mradi wa Superbrandy East Africa Jawad Jaffer, katika hafla ya kutoa tuzo kwa makampuni yaliyofanya vizuri katika ubora wa viwango vya bidhaa na kukubalika kwa walaji, katika hafla inayofanyika kwenye hoteli ya Hyatt Regency Dar es Salaam usiku huu, ambapo makampuni mbalimbali yatapata tuzo hizo kutoka kwa taasisi hiyo, Kituo cha redio cha Clouds ni kituo pekee kilichofanikiwa kupata tuzo hiyo ya Superbrands hapa nchini

TBL YATOA MSAADA WA SARUJI SHULE ZA MBEYA

Meneja wa Kiwanda cha Bia Tanzania (TBL) Mkoa wa Mbeya Calvin Martin (kulia) akimkabidhi Mkuu wa Mkoa wa Mbeya Abbas Kandoro sehemu ya mifuko ya saruji kati ya 200 yenye thamani ya sh.milioni 3,iliyotolewa na kiwanda hicho juzi kwa ajili ya ujenzi wa madarasa ya shule mbalimbali mkoani humo.Wa pili kutoka kushoto ni Meneja Uhusiano na Mawasiliano wa TBL Edith Mushi na Meneja Mauzo na Usambazi wa TBL Kanda ya Kusini, James Kavuma.

Mkuu wa Mkoa wa Mbeya Abbas Kandoro akisalimiana na Meneja Uhusiano na Mawasiliano wa TBL Edith Mushi mara baada ya kuwasili kukabidhiwa saruji hiyo.

Mkuu wa Mkoa wa Mbeya Abbas Kandoro (kushoto) akitoa shukurani kwa uongozi wa Kiwanda cha Bia Tanzania (TBL) baada ya kupokea msaada huo.Kulia ni Meneja UHusiano na Mawasiliano wa TBL Edith Mushi na Meneja Mauzo na Usambaji wa TBL Kanda ya Kusini James Mavuna na Meneja wa Kiwanda cha Bia Mkoa wa Mbeya Calvin Martin.

Mkuu wa Mkoa wa Mbeya Abbas Kandoro (kushoto),akisalimiana na Meneja wa Kiwanda cha Bia Tanzania (TBL) Mkoa wa Mbeya Calvin Martin mara baada ya kuwasili juzi viwanja vya Uwanja Mpya wa Ndege Songwe kwa ajili ya kukabidhiwa saruji na upandaji miti kazi iliyoratibiwa na TBL. TBL ilitoa mifuko 200 ya saruji kwa ajili ya kusaidia ujenzi wa madarasa katika mkoa huo.

Baadhi ya wananchi wa mkoa wa Mbeya na wale wanaozunguka uwanja mpya wa ndege wa Songwe na wafanyakazi wa TBL walioshuhudia tukio hilo.